Գ. Սունդուկյանի թատրոնում բազմաթիվ կերպարներ մարմնավորած դերասան էր Նորայր Գևորգյանը, երբ հրավիրվեց երաժշտական կոմեդիայի թատրոն:
Նրա բեմական ուսուցիչներն են եղել թատրոնի մեծանուն ռեժիսորներ Արմեն Գուլակյանը, Վարդան Աճեմյանը, նա խաղընկեր է եղել Վահրամ Փափազյանին, Հրաչյա Ներսիսյանին, Ավետ Ավետիսյանին, Գուրգեն Ջանիբեկյանին, Դավիթ Մալյանին:
Իր բեմական գործունեության 60 տարվա ընթացքում Նորայրը խաղացել է հարյուրավոր դերեր, իսկ երաժշտական կոմեդիայի թատրոնում նրա ստեղծած դերերը` Փանոս (‹‹Իմ զոքանչը››), (‹‹Կորսված նամակ››), (‹‹Խելահեղ օր››), Բարթեմ (‹‹Շողոքորթըն››), Տեր հայր (‹‹Էսպես մինչև երբ››), Աթենացի (‹‹Լիսիստրատե››), Փառնակ (‹‹Արդյոք ովքեր են››), Տերտեր (‹‹Չարենցի ուղղիչ տունը››) թատրոնի պատմության հետաքրքիր էջերից են:
Բարձր պրոֆեսիոնալիզմի տեր դերասան է Նորայր Գևորգյանը, ինչը և փոխանցում է իր երիտասարդ խաղընկերներին: |
